Ciidanka Guutada 9-aad Qeybta 6-aad ee Ciidanka Xoogga Dalka Soomaaliyeed ayaa howlgal qorsheysan oo lagu beegsaday Al shabaab ka fuliyay tuulooyin hoostaga degaanka Moorigaabey ee Gobolka Bakool.
Howlgalkan ayaa yimid kadib markii ciidanka ay heleen xog muujineysa in Khawaarijtu isku urursanayeen tuulooyinka Mudule Shegele, Ceel-Lahelay, iyo Bisigli
“Waxay halkaas ka soo abaabulayeen weeraro lagu waxyeeleynayo shacabka iyo amniga guud” ayuu yiri Taliyaha Guutada 9-aad, Gaashaanle Dhexe Yoonis Aadan Xassan oo hoggaaminayay howlgalka
Gaashaanle Dhexe Yoonis Aadan Xasan ayaa xaqiijiyay in ciidanku ay dhowr jiho ka weerareen Al shabaab taasoo sababtay in ay si aan kala har lahayn uga cararaan goobaha ay isku uruursanayeen.
“Awoodda ciidanka XDS iyo weerarka qorsheysan ee lagu qaaday ayaa fashiliyey damacii Khawaarijta, waxaana la gaarsiiyay khasaare culus” ayuu yiri taliyaha.
